طريقة عمل باستا فلورا وابل باي : مسابقة انا شيف

    • 90 دقيقة
    • 10 أشخاص
    • 289 سعرة حرارية

    تم تسجيل التقييم بنجاح

    حلويات

    مقادير باستا فلورا وابل باي : مسابقة انا شيف

    • 2 كوب دقيق 
    • بيضه 
    • ملعقه صغيره فانيليا 
    • ربع كبايه سكر بودره 
    • كوب زبده بارده 
    • لحشو الابل باى 
    • تفاح اخضر 
    • قرفه 
    • سكر حسب الرغبه 
    • 2 معلقه قرنفل 
    • لحشو الباستا فلورا 
    • مربى فراوله او اى نوع مربى تحبيه 
       

    طريقة تحضير باستا فلورا وابل باي : مسابقة انا شيف

    1. اول حاجه هنضيف الدقيق مع الزبده والسكر البودره ونخلطهم مع بعض سواء بالعجان او ممكن باى حاجه تانيه او تستخدمى ايديكى لو مفيش حاجه عندك للخلط وبعد ما نخلطهم كويس هنضيف البيضه والفانليا ونعجنهم وبعددين نلم العجينه ونحطها فى كيس نضيف وندخلها التلاجه لمده ساعه 
    2. تانى حاجه هنجهز حشوه الابل باى 
    3. نقطع التفاح مكعبات صغيره ونحطها عالنار مع معلقه قرفه وزبده وسكر حسب الرغبه ونص لمونه ونسيه عالنار لحد ما التفاح حجمه يقل ويطرى بس خلى بالك انه مش تسبيه لحد ما يتهرى وكده الحشو بقى جاهز 
    4. تالت حاجه هنطلع العجينه من التلاجه بعد مرور الساعه ونفردها مع رشه دقيق ولازم تفرديها كويس عشان متكونش تخينه وهنجيب قوالت تارت صغيره ولو مش موجوده ممكن قالب كبير وهندهنه زبده وتفردى فيه العجينه وتسبتى الاطراف كويس وتخرميها بشوكه وتدخليها الفرن من 7 ل 10 دقايق على درجه حراره 180 وتطلعيها نص سوا وتطلعيها تحشيها بحشوه التفاح وفوقها كام شريحه تفاح او تحشيها بمربى للباستا فلورا وتعملى شرايط رفيعه بالطول والعرض من العجينه نفسها  عشان تزينى الباستا فلور وبعدين تدهنى الوش بيض عليه حبه بن وتدخليها تانى الفرن وتفتحى الشوايه وبعد خمس دقايق يا دوب الوش ياخد لون هنطلعها ونسيبها تبرد براحتها عشان نعرف نطلعها من القالب بتاعها طبعا القوالب الصغيره بتكون اسهل من الكبيره لما بنيجى نطلعها اتمنى انها تعجبكوا 

       
    موضوعات أخرى
    J&J GCC
    Share via WhatsappWhatsapp IconSend In MessengerMessenger IconShare via FacebookFacebook Icon