حكايات سوبرماما: لازم أخس

منوعات

محتويات

    كاريكاتير/ إنجي سامح

    إللي بيحصل ده تهريج !

    كدة مينفعش .. مفيش أي احساس بالمسئولية !!!

    الشهر اللي فات كان فيه كم مناسبات لا بأس بها، و طبعاً مناسبات يعني عزومات يعني حلويات يعني وزن زاد و التعلب فات فات و فى ديله علبة حلويات.

    وسط كل اﻹغراءات دي كان عليا تحدي كبير جداً إني أحافظ على الدايت و أثبت على موقفي.

    صحيح ممكن أفتح التلاجة ألاقي تورتاية شوكولاتة منورة بس بكل عزيمة أختار التفاحة الخضراء القابعة فى أقصي التلاجة.. الصراحة مرتين تلاتة أربعة كدة ضعفت قدام التورتاية بس كنت برجع و أفكر نفسي "لازم أخس..لازم أخس".

    و أصبح شعار لازم أخس هو العقل الباطن اللاوعي عندي و ضميري اللي مبينمش! 

    آه الصيف ع اﻷبواب و لازم أنقذ ما يمكن إنقاذه بس برضو الأكل حلو مفيش كلام.

    مين فيكم يا ماميز بتتعرض للإغراءات دي يومياً زيي؟ و ياتري بتضعفوا و لا بتصمموا على موقفكم؟ ومين ثابتة على موقفها و وصلت لنتيجة حلوة؟ يالا نشجع بعض..مستنية حكاياتكم.

    موضوعات أخرى
    التعليقات