بتعملي إيه وقت نوم طفلك الرضيع في الشهور الأولى؟

"أخيرًا نام".. كام مرّة قلتي الجملة دي بعد ما طفلك حديث الولادة نام وأصبح عندك دقايق قليلة تقدري ترتاحي فيها؟ وكام مرّة من الفرحة معرفتيش تستغلي الوقت وفضلتي تسألي نفسك يا ترى أعمل إيه قبل ما يصحى؟
 
معروف أن وقت نوم الرضع حديثي الولادة لا يتعدى الدقايق القليلة ثم يبدأوا وصلة "عياط" بسبب أو بدون سبب، علشان كدة وقت نومهم من دهب.
 

"سوبر ماما" طرحت السؤال على الماميز عبر صفحتنا على الفيسبوك، الإجابات كانت رائعة جدًا، لو إنتي ماما جديدة وبتسألي نفس السؤال كل يوم.. شوفي الإجابات وشاركينا إنتي كمان برأيك.

 
Yoya Ismaeel: من كتر الفرحة مش بيجيلي نوم بشرب بقى كوباية شاي مع حاجة حلوة كده ادلع نفسي!
 
Manar Reda: لا طبعا مفيش نوم، فيه شغل البيت وبنتي الكبيرة اللي مجنناني.. وطبعا لازم أقعد على الفيس شوية أغيّر مودي.
 
Om Adam: من المفروض لما ينام أنام جنبه، بس أكيد ده مش بيحصل علشان فيه ترتيب شقة وأكل وغسيل.
 
Maha Mohamed: بنااااام مابلحقش أعمل حاجة تانية؛ لأنه نص ساعة ويصحى.
 
Eyad Ody: بنام طبعا قبل ما يصحى، ساعات ببقى ميتة م الجوع ومرضاش أقوم آكل وبقول عشان ألحق أنام قبل ما الباشا يصحى!
 
Noonzii Barakat: أنا في أول بيبي كنت بنام أو بتفرج على التلفزيون أو آخد دش براحتي... تاني بيبي بقى شغل البيت وابني الكبير.
 
Mego Atef: بشرب شاي وأعمل غداء سريع وأدخل أنام.. لازم يبقى فيّ طاقة للشيل واللعب.
 
Azza A-badie: بصراحة بنجز أي شغل في البيت بسرعة.
 
Nina Rich: أنا ولادي كبروا بس لما كانوا صغيرين كنت بعمل الأشياء اللي بستخدم فيها إيديا الاتنين، مثل غسيل المواعين ونشر الغسيل وباقي الأشياء ممكن أعملها وأنا شيلاه وأوقات كنت أستنى ينام علشان أنام.
 
Dalia Yones: الحقيقة كنت بلعب كاندي كراش عشان أنسى!
 
Mai Fahmy: بقفل صوت التليفزيون وبقعد اتفرج عليه بدون صوت وانا مريحة ضهري وباكل شوكولاته كيت كات!
 
Zainab Bahader: إن كان عندي شغل بكمله بسرعة وإن كان مفيش بانام معاه.
 

وإنتي كمان يا سوبر قوليلنا بتعملي إيه لما طفلك ينام؟؟؟

شاهدي بالفيديو: حيل ذكية لتوفري وقت لنفسك

 

عودة إلى رضع

موضوعات أخرى
ي
Share via WhatsappWhatsapp IconSend In MessengerMessenger IconShare via FacebookFacebook Icon
Share via FacebookFacebook IconShare via TwitterTwitter Icon