كل عام و أنتم بخير ، الفتة لها طقوس و طرق طهي تختلف من كل سيدة لأخري .
اليوم سأنقل لكم طريقة طهي الفتة التي تعلمتها من حماتي بمصر -والتي تتفنن في تقديمها لنا كل عيد-
الطبق يكفي جميع أفراد العائلة.
الطريقة:
- حمصي العيش في الفرن ، رشيه بملعقتين زيت و ملح و فلفل و شوية بودرة ثوم .
- الطريقة دي احلى بكثير من التحمير و العيش بيكون طعمه رائع
- اللحمة اسلقيها دايماً بعد ما تغلي المية مع بصلة مقطعة اربعة قطع، حبهان و مستكة وورق لاورو ، شوية فلفل اسود و جوزة الطيب و مكعب مرق لحم .
- ساعتها بس اسقطي اللحمة ، و اتركيها لحد ما تستوي خالص .
- الصلصة : دقي راس ثوم حلو في الهاون كويس مع رشة ملح ، وصفريه في سمنة او زيت ، و بعدين ضيفي الصلصة و عصير الطماطم و اطفيها لما تغلي بالخل .
- تبليها بالملح و الفلفل و جوزة الطيب قبل متزودي المية و سيبيها تتسبك .
- الأرز المصري اسلقيه عادي بس انا بحب احط 2 قرنفل و 2 حبهان و ورقة لاورو و عود قرفة. بالطريقة دي الأرز بيطلع مبهر و ليه طعم شهي جداً.
- و أخيراً رصي بقى العيش في الصينية و اسقيه بالمرق وحطي الرز و اللحمة ، واسقي الكل بالصلصة و بألف هنا وشفا أحلي طبق فتة .
- اقرأي أيضا :
