طريقة عمل مسابقه رمضان رول اللحمه بالبطاطس

طريقة تحضير مسابقه رمضان رول اللحمه بالبطاطس

1. 1/ هنقشر البطاطس ونسلقهم حوالى 10 دقايق مع رشه ملح 
2. 2/ بعد ما نسلق البطاطس هنهرسهم كويس وهنضيف عليهم بيضتين ورشه ملح وجنزبيل وكمون وفلفل وجوز الطيب وكوبايه دقيق و 3/4 كوب لبن وهنقلب كل ده مع بعضه عالنار كويس لحد ما تدينى سمك ولا هو جامد ولا سائل يعنى وسط عشان نقدر نشكلها ومتلزقش مننا 
3. 3/هنعصج اللحمه واول حاجه هنقطع البصله مكعبات صغيره ونحطها فى حله فيها معلقتين زيت او سمنه زى ما تحبى على نار متوسطه ونقلب لحد ما تاخد اللون الدهبى وبعدين نضيف فص التوم المفروم ونقلب وبعدين نحط اللحمه المفرومه  ونضيف البهارات والملح والفلفل ونقلب لحد ما اللحمه يبقى لونها بنى فاتح  وهنوطى عليها النار ونسيبها لحد ما تنزل ميتها وتشربها تانى ونبقى نقلبها كل شويه 
4. 4/ بعد ما اللحمه تتعصج هنفرد البطاطس زى ما بنفرد عجينه البيتزا كده ونحط جواها اللحمه ونلفها شبه الرول كده ونقفلها حلو ونجيب بيضه وندهن الوش عشان يحمر 
5. 5/ هندخلها الفرن  درجه حراره وسط هتاخد تقريبا تلت ساعه  وتحت الشوايه 5 دقايق