التحدث مع الأطفال عن الوفاة وتقبل حدوثها

رعاية الأطفال
بعد وفاة جدتي ثم والدي تباعًا، بدأت أندلس ابنة أخي أين ذهبوا؟ كانت الفكرة الأساسية لدينا عدم الكذب أبدًا وبالتالي كانت الإجابة عند ربنا، لكن الأسئلة لا تتوقف أبدًا عند هذا الحد وإنما تتوالى في ظل أيضًا أخبار الوفيات التي تسمعها في كثير من بلادنا العربية سلم الله الجميع ورزقنا الخير.
تؤكد الدراسات أن الفكرة عدم الكذب وأنك تحاول بالحوار الإجابة عن الأسئلة بما يتناسب مع عقله، وفي نفس الوقت لا تنهره أبدًا ورويدًا رويدًا مع تقدم العمر سيدرك المعاني.
 
تحدثنا من قبل عن كيفية تمهيد هذا اﻷمر للأطفال.. ولكنني اليوم أنقل لكم حوار واقعي حدث معي.. و كيف مهدت اﻷمر بشكل تقبله الطفل فى النهاية.
 

الكذب أو الغضب سيجعله يعزف عن الأسئلة أو سيقع في صدمة بعد معرفة حقيقة أن فلان لم يسافر وإنما مات.

  • عند ربنا فين
  • بصي يا لولو هو لما بيموت بيبقى تعب وعجز، مش انت فاكرة نينا 
  • وجدو كانوا ازاي تعبانين وعيانين، فربنا بيبقى عايزه يرتاح وبيوديه الجنة الحلوة وبيستنانا هناك، مش انت عارفة إننا لما نعمل حاجات كويسة هنروح هناك
  • اه بس مش ممكن نكلمه في التليفون
  • أصله هناك مفيش تليفون 
  • طيب في ايه 
  • حاجات جميلة ولعب وحلويات
  • كان هذا نموذجًا من الحوار وإليكم بعض النماذج الأخرى لأن ذهن تلك الصغيرة أصبح مشغولًا بكثير من الأسئلة الوجودية
  • هو ربنا بيحبنا 
  • أيوه طبعًا يا لولو
  • ليه
  • عشان هو اللي خلقنا
  • ليه
  • هو انت مش ماما وبابا بيحبوك عشان انت بنتهم وهما جابوك الدنيا
  • اه 
  • طيب ربنا هو اللي جابنا كلنا هنا فبيحبنا
  • هو جدو ونينا راحوا عند ربنا ازاي
  • بصي يا لولو لما حد بيموت أهله بيبوسوه ويسلموا عليها وبعدين يلبسوه لبس أبيض جميل ويودوه بيت مخصوص عشان ربنا هناك يبعت الملايكة ياخدوا بالهم منه لغاية ما نروح كلنا الجنة سوا
  • طيب والملايكة بييجوا ازاي
  • بحاجة زي الطيارة فاكرة الطيارة اللي ركبتيها
  • اه 
  • هما بيركبوا حاجة زيها
  • طيب بس أنا عايزة أكلم جدو
  • ممكن لما أروح أنا وبابا نزوره نكلمه من ورا الباب وهو هيسمعنا ويتبسط بينا جدًا
  • وممكن نحكيله على المدرسة واللبس الأورانج
  • طبعًا ممكن
  • طيب ليه كنتوا بتعيطوا
  • عشان كان هيوحشنا مش هو وحشك بس لو روحنا زرناه هنتبسط
  • طيب هاجي معاك انت وبابا، وممكن ناخد ماما؟
  • ممكن طبعًا

[اقرأي أيضا : هل يصاب الأطفال بالاكتئاب؟]

وهكذا توالت الأسئلة، الفكرة أن تؤكدي للصغار أن الموت هو مرحلة انتقال من حياة لأخرى وحقيقة واقعة وبذلك كلما كبر أدرك حقيقة الموت والخالق والحساب وخلافه مما يلزمنا جميعًا من مختلف الديانات.

عودة إلى أطفال

رحاب ولي الدين

بقلم/

رحاب ولي الدين

من أولى كاتبات سوبرماما، فكنت إحداهن لثلاثة أعوام تقريبًا قبل أن أنضم لفريق العمل الأساسي مديرةً للتحرير ثم رئيسة التحرير.

موضوعات أخرى
تنظيف الرحم بعد الدورة الشهرية، إليكِ 5 طرق طبيعية
Share via WhatsappWhatsapp IconSend In MessengerMessenger IconShare via FacebookFacebook Icon