كاريكاتير / إنجي سامح
إزيكم يا ماميز يا حلوين.. وحشتوني جداً من اﻷسبوع اللي فات..و اﻷسبوع ده قررت إني هـ أشارككم حلم من أحلامي اللي نفسي تتحقق.
منغير ما أتكلم كتير..أنا بحلم أني أصحي من النوم فى يوم كدة ألاقي ولادي محضرين لى الفطار فى السرير -يارب بدون خسائر مادية أو جسدية-.
بحلم أصحي براحتي بعد نوم هادئ جميل، أصحي على يوم مريح كله راحة فـ راحة منغير صداع و زنّ و طلبات مبتنتهيش.
حلم جميل ..بتمني ولادي يحققهولى فى يوم عيد اﻷم !
أنا عارفة أن أكيد كل مامي نفسها فى حلم جميل برضو يتحقق من ولادها..علشان كدة النهاردة كلنا هنفضفض و نحلم ونحكي سوا..يا تري إيه أحلامكم؟ يا تري نفسكم فى إيه؟ و بتحلموا ولادكم يفاجئوكم بإيه؟
مستنياكم يا ماميز و كل سنة وأنتم سوبر ماميز.
