حكايات سوبرماما: الاجتماع باظ

    تسلية

    رسوم/ إنجي سامح

    " بصي بقى يا روحي، أنا عندي اجتماع مهم جداً بكرة فى الشركة و محتاج قميصي الأبيض مغسول ومكوي ع الصبح ضروري لأن كل القمصان التانية عند المكوجي و بكرة إجازته"

    دي كانت أول كلمة قالها جوزي بعد ما دخل من باب الشقة، قبل ما يديني القميص الأبيض اللي كان لابسة .. واللي طار فى الهوا شاشي حالياً!

    الحكاية و ما فيها إن حد من ولادي قرر يحط فردة شراب بمبي وسط الغسيل الأبيض قبل ما أقفل الغسالة و اللي خللّت القميص الأبيض بتاع جوزي زي مانتوا شايفين بمبي مسخسخ، كانت صدمة للحظت شلت تفكيري، طيب أعمل إيه، أتصرف إزاي؟ لمّا يصحي من النوم أقوله إيه.. عملتلك نيولوك للقميص؟

    موضوع بهتان الغسيل أكيد مش أول مرة يحصل، ساعات بتكون له حلول و ساعات لأ، لكن الحالة دي تحديداً كان عندي إحساس رهيب بالذنب و خاصة إن اللون مطلعش من القميص بعد الغسيل أكتر من مرة.

    جوزي كان رد فعله طبعاً هأسيبلكم تتخيلوه بس يكفي إن الاجتماع طبعاً باظ و اليوم و البوز بقا شبرين لمدة يومين كمان.

    مين فيكم يا ماميز أتعرضت لموقف زي ده؟ و مين فيكم الغسيل بوظلها خططها فى يوم م الأيام؟ وياتري بتتصرفوا إزاي؟

    نسيت أقولكم إني فى الأخر اشتريت له قميص هدية كأقل اعتذار عن اللي حصل.

     

     

    عودة إلى منوعات

    موضوعات أخرى
    J&J KSA
    Share via WhatsappWhatsapp IconSend In MessengerMessenger IconShare via FacebookFacebook Icon