لحقتي التخفيضات ولا لسة؟

مين فينا مش بيحب كلمة Sale؟ أعتقد معظمنا مش بنقدر نقاوم أي تخفيضات في أي وقت على مختلف السلع والمنتجات..

النهاردة حبيت اشارككم وجود تخفيضات رائعة بمحلات ملابس الأطفال والكبار بالإضافة لمحلات مستلزمات العناية بالبشرة.

مكان التخفيضات: سيتي ستارز مول -مدينة نصر

التخفيضات بدأت من حوالي أسبوعين ومازالت مستمرة فى محلات زي مذر كير تخفيضات حتي 70%

محلات ملابس الكبار زي H&M وماركس أند سبنسر وكاليبو وDefacto، المحل الأخير في الدور الثاني مواجه لمحل اتش أند إم، فيه 3 أقسام، حريمي ورجالي واطفال وعامل عرض رائع وهو إنك تشتري قطعة والأخري مجانًا.. المحل هو ماركة ملابس تركي رائعة بالإضافة لإن أسعاره مناسبة للجميع تقريبًا.

أما لو كنتِ بتدوري على برفيوم جديد ومجموعة Body care فأكيد لازم تزوري The body shop و Bath and body works اللي عاملين تخفيضات بتوصل لـ50% بالإضافة لإمكانية حصولك على قطعة مجانًا عند شراء قطعتين من منتجك المفضل.

المفاجأت لسّة مخلصتش!

التخفيضات ولحسن الحظ في منها كمان على ملابس خريفي أو شتوي مش بس الملابس الصيفي، يعني في قطع كتير لملابس الشتاء عليها تخفيضات رائعة ممكن تلحقيها وتستمتعي بالسعر والجودة.

ولو حبيتي تكملي إطلالتك بسكارف أو أكسسوريز، يبقي متفوتيش تخفيضات Tie shop على الايشاربات المختلفة بأنواعها وإللي بتبدأ من 30 جنيه.

وأخيرًا، حاولي تلحقي التخفيضات وكمان لفّي أكتر وأكتر داخل المول هتلاقي محلات متنوعة عاملة تخفيضات رائعة جدًا. لو تعرفي مكان تاني عامل تخفيضات شاركينا بيه وبتجربتك.

وإليك مجموعة من النصائح للتسوق في موسم التخفيضات في هذا الفيديو: