طريقة عمل مسابقة ميانتا_ براونيز بالمارشيملو وصوص التوفي
مقادير مسابقة ميانتا_ براونيز بالمارشيملو وصوص التوفي
مقادير البراونيز:
- 3\4 كوب كاكاو
- 3\4 كوب زبدة
- 2 ونص كوب سكر
- 4 بيضات حجم كبير
- 1و1\4 كوب دقيق
- ملعقة صغيرة فانليا
- كوب مارشيملو
- كوب مكسرات مقطعة عين جمل مع لوز او كما تحبي
مقادير صوص التوفي :
- ملاعق كبيرة سكر
- معلقتين زبدة
- علبتين دانيت كراميل
طريقة تحضير مسابقة ميانتا_ براونيز بالمارشيملو وصوص التوفي
البراونيز:
- نخلط السكر مع الزبدة ونضربهم كويس بالمضرب الكهربائيوبعد كده نضيف البيض والفانلياونضربهم كويس قوي
- ونخلط الدقيق بالكاكاو ونضيفهم للخليط السابق ونمزجهم كويس بالمضرب الكهربائي
- نضيف المكسرات ونقلبهم بالمعلقة
- نجهز صينية مستطيلة وندهنها بالزبدة
- ونصب فيهم الخليط ونساويه كويس بالمعلقة وندخله فرن مسخن مسبقا على درجة حرارة عالية نختبره بعد 1\3 ساعه بعد كده نطلعه من الفرن ونحط عليه المارشيملو وندخله تاني الفرن حوالي 5دقايق لغاية لما المارشيملو يسيح
- نطلعه من الفرن ونسيبه يبرد شويه وبعدين نحط عليه صوص التوفي ومكسرات للتزيين
- ويقطع ويقدم بارد
طريقة صوص التوفي:
- نجيب مقلاية تيقال ونحطها تسخن على النار ونحط السكر ونستني لما يبدأ يسيح نقلبه لغاية لما يسيح خالص ويصبح لونه ذهبي نضيف الزبدة ونقلب بسرعة وممكن نبعده من على النار واحنا بنقلب ونرجعه تاني لغاية لما الزبدة تذوب خالص وتمتزج مع السكر نضيف الدانيت ونقلب بسرعه برده هنبعد المقلاية من على النار ونقلب كويس ونرجعها تاني ونفضل نقلب لغاية لما كل المكونات تمتزج مع بعض ونتركه يبرد وندخله التلاجة لحين الاستخدام
مشاركة المقالة
- Share via Facebookفيسبوك
- Share via Twitterتويتر
