كيف تعتنين بشعر طفلك حسب نوعه؟

2016 فبراير 15

اهلا بيكم يا سوبرز في برنامجنا ام العيال، انا مها والنهاردة هكلمكم ازاي نخلي بالنا مش شعر اطفالنا سواء كان خشن او ناعم طويل او قصير.

معظم الأطفال بيتولدوا صلع أو بيكون شعرهم ناعم بس دا بيطير بسرعة وجلدهم بيبقى ضعيف عشان كده مينفعش نستخدم غير شامبو مخصص للأطفال ويفضل نوع بتركيبة "لا دموع" عشان عينيه.

وفي فترة من الشهر 9 للشهر 12 هيبدأ شعر الولادة يطير ويبدأ شعر الطفل الأصلي يظهر.. وبعدها هتحددي ايه نوع طفلك:

الشعر الكيرلي:

يمكن بيكون متعب للامهات رغم شكله الموضه والجميل ، لو ابنك او بنتك شعرهم كيرلي، لازم تسرحيلهم شعرهم مرتين في اليوم الصبح وقبل مايناموا، ومتكسليش علشان هو متعب التريح هيخلي الشعر مش متعقد وبالتالي هيكون التعامل معاه أسهل.

كمان استخدمي الكريمات الخاصه بالاطفال الي بتساعد على التسريح علشان الاطفال ميتألموش وهم بيتسرحلهم شعركم.

ونصيحه بلاش تغرقوا شعر الاطفال زيوت لانها بتتلف الشعر.. ممكن تستخدمي بظبط نقطتين زيت زيتون وتوزعيهم على الشعر كله.

اما شعر طفلك الجاف:

 فاحرصي دايما على انك تعمليله حمام كريم علشان ترطبيه، يعني بعد الشامبو حطي حمام الكريم وسرحيه وسيبيه يلعب في البانيو نص ساعه مرتين في الاسبوع.

اما شعر طفلك الناعم :

ده بيكون اريح نوع بس بردو محتاج اهتمام وتسريح مستمر واستخدام شامبو وبلسم مناسبين لطبيعه الشعر.

 ومتنسيش ان التغذية عنصر مهم جدا عشان شعر طفلك يطول بشكل صحي .

- وكمان اختاري الفرش والامشاط الي متقطعش الشعر يعني الفرشه الواسعه والمشط الخشب الواسع هيكون اختيار مناسب جدا لكل انواع شعر الاطفال.

خلصت حلقتنا النهاردة اتمنى تكون عجبتكم واستفدتم اشوفكم فحلقة جديدة.

 

عودة إلى أطفال

فيديوهات سوبرماما
فيديوهات سوبرماما

موضوعات أخرى
رسائل من الجنين إلى الأم خلال أشهر الحمل التسعة
Share via WhatsappWhatsapp IconSend In MessengerMessenger IconShare via FacebookFacebook Icon
Share via FacebookFacebook IconShare via TwitterTwitter Icon