كما تعلمون، قامت سوبرماما بعمل مسابقة لأجمل موقف عن الأمومة بمناسبة عيد الأم . وبناء على إختياركم وتشجيعكم، فازت ثلاثة سوبرماميز في هذه المسابقة، سنشارككم في قصصهم.
الفائزة الأولى: بوبا محمد، حصلت على ٨٤ صوت في المسابقة.
بوبا أم لولد وبنت: أدهم ومريم . وتلك هي صورتهم مع الجائزة الأولى
قدمت لنا بوبا القصة التالية - وقد حرصت سوبرماما تقديم القصة بدون تعديل ونشكر بوبا على مجهودها وقصتها.
بصوا انا هقولكم ؤلكوا اول حكايه مع امي الله يرحمها امي كانتجميله اوي وطيبه اوي وكان عندها انا واختي ايمان و اختي ساره جنا عملنا عمليه اللوز بعدها اختي ايمان تعبت كان عندها 11سنه و رحنا بيها لدكاتره كبار عرفنا في الاخر ان هي عندها لوكيميا(سرطان دم) وماما تعبت معاها اوي كانت مابين البيت والمستشفي و الشغل لغايه ماربنا افتكر اختي ايمان و توفيت بعد ماقالوا في عمليه تغيير نخاع المهم بعدها بسنه نوفي جدي وبعدها بسنه نوفيت جدتي يعني 3 سنين ورا بعض و هي كانت بتقول الحمد لله و بعدين فكرت في الحمل و جابت الاء اختي و سبحان الله الاء من ذوي الاحتياجات الخاصه لا تمشي ولا تتكلم المهم صبرت و برده حمدت ربنا وبقيت بين الشغل و البيت والاء واتقدملي واحد واتجوزت وبعد جوازي بسنه اكتشفت امي ان عندها ورم في الثدي ومقلتش لحد لغايه ما بدأت تتعب وفعلا رحنا للدكتور و عملت العمليه وقاعدت سنه تتعالج بالكيماوي و الاشعاع وكده يعني المهم بعد السنه تعبت اوي ومبقتش عارفه تتنفس و قاعدت 3 شهور بين المستشفيات لحد ما توصلوا ان ده سرطان وصل للرئه و الكبد و الحمد لله ربنا افتكرها تعبت اوي يعني في حياتها تفتكروا دي ماتخدش الام المثاليه
