حواديت ماما: البيت هادي.. أخيرًا هحقق أحلامي!

تسلية

ماريو في المدرسة وكوكو نايمة وجوزي في الشغل، هي دي فرصتي اللي مستنياها من زمان، اللحظة اللي بحلم بيها بقالي شهور، دلوقتي بس ممكن أحقق كل أحلامي المؤجلة المتعطلة.

أعمل إيه يا ربي؟ إزاي أستغل الوقت ده أحسن استغلال؟

أدخل استحمى؟ دي فرصة رائعة إني أستحمى من غير ما حد يخبط عليّا ويعيط ويتشحتف طول ما أنا جوه الحمام.

اقرئي أيضًا: هل تشعرين بالملل؟ 8 أفكار مبدعة لقضاء وقت ممتع داخل المنزل

ولا ﻷ، ممكن أقرا مثلًا، أنا آخر مرة مسكت كتاب من شهور، ولو فكرت مجرد تفكير إني أقرأ، يا إما كوكو بتشد الكتاب وتقطعه، أو ماريو بتجيلي كل دقيقة تسألني سؤال، بس مش هلحق غالبًا كوكو هتصحى كمان نص ساعة.

ممكن مثلًا أعمل حاجة سريعة ومبهجة، أحط مانيكير، أنا بحب المانيكير جدًا، ودي فرصة أحطه من غير ما حد يشربه ولا يدلقه على الكنبة.

بس لو كوكو صحيت وهو مانشفش هضطر أشيلها ويتلخبط مش هينفع مانيكير.

اقرئي أيضًا: باديكير منزلي في خطوات بسيطة

أنا ممكن مثلًا أشرب فنجان قهوة تركي باللوز، وأعملها على رواقة زي زمان، أحط السبرتاية، وأعمل القهوة على الهادي، من غير ما أخاف من الحوادث، وآخد فنجان القهوة أشربه في الشباك، أو حتى وأنا مبحلقة في السقف، المهم إني أقدر أشربه على رواقة، بدل ما أنا بشربه كل مرة على بق واحد كأنه شربة.

وبعد كل ده، قبل ما حتى أعمل فنجان القهوة، كان صوت كوكو بيناديني!

عودة إلى منوعات

كاميليا حسين

بقلم/

كاميليا حسين

مهتمة بتربية الأطفال والماكياج والأعمال اليدوية. مترجمة وكاتبة، وأعمل حاليًا على مجموعتي القصصية الأولى.

موضوعات أخرى
تنظيف الرحم بعد الدورة الشهرية، إليكِ 5 طرق طبيعية
Share via WhatsappWhatsapp IconSend In MessengerMessenger IconShare via FacebookFacebook Icon