طريقة عمل السينابون (عيد ميلاد سوبر ماما الرابع )

طريقة تحضير السينابون (عيد ميلاد سوبر ماما الرابع )

طريقة عمل السينابون

1. تخلطي المكونات الجافه مع بعض وبعدين نضيف البيض والزيت وشوية فانيليا
2. نضيف الميه الدافيه شويه شويه ونعجن لحد ماتدينا عجينه طريه ومبتلزقش ف ا?يد .. ولو الميه زادت منك شويه تعالجي بشوية دقيق
3. نغطيها كويس ونسيبها تخمر ساعه .. انا عملت زي صاحبة الطريقه وحطيتها ف المايكرويف وهوه مقفول طبعا .. بس كتمة المايكرويف خليتها تخمر اوووي ماشاء الله
4. نرش دقيق ع الرخامه ونفرد العجينه كويس جدا
5. ونبل طرف العجينه مية عشان الرول يلزق لما نلفه
6. ندهن العجينه زبده ماعدا الخط اللي عليه ميه
7. نلف الرول كويس ونقطعه قطع سميكه ونرصه ف صينيه مدهونه سمنه وندخله ف فرن مولعين عليه من ا?ول على درجة 180 لمده 20 دقيقه
8. ولما القاعده يبقى لونها دهبي .. نفتح عليها الشوايه تاخد لون بسيط
9. نخرجها من الفرن و نحط صوص الشكولاتة والصوص الأبيض

طريقة صوص الشيكولاته

1. نخلطهم كل المكونات في الخلاط ماعدا الزيت
2. ولما نتأكد ان السكر داب .. نفتح الغطا ونضيف الزيت شويه شويه زي خيط رفيع والخلاط شغال طبعا ..
3. هديكي صوص طعمه اكتر من رائع .. هيطلع معاكي سميك شويه بس لما هيتحط ع السينابون هيخف لوحده ..

طريقة الصوص الأبيض 

1. نضرب المكونات كويس ف الخلاط لحد مالسكر يدوب
2. وبعدين ضيفي مكعبين جبنه كيري ..
3. ودخليه التلاجه شويه يبرد ويمسك نفسه ..