نصائح للتسوق في موسم التخفيضات

2015 ديسمبر 31

أهلا بيكم علي موقع سوبرماما وحلقة جديدة من برنامج فاشون٬ أيام قليلة بتفصلنا عن التخفيضات الشتوية وبدأنا نظبط ميزانيتنا

ونشوف ايه اللي ناقصنا عشان نستغل الفرصة دي ونشتري كل اللي عايزينه بأفضل الأسعار ..وعشان كده النهاردة هنعمل استراتيجية تخلينا نستفيد من التخفيضات على قدر الأمكان .

­۱- أول خطوة هتفتحي دولابك و تشوفي ايه بالظبط اللي ناقصك عشان تكمليه وتعملي ورقة بالنواقص كلها عشان نضمن اننا مش هننسى أي حاجة ونرجع نندم على الفرصة اللي ضاعت .

­۲- بعد تحديد النواقص هنروح نعمل سيرش على الانترنت و نتعرف على أحدث الموضات و الألوان الدارجة عشان نضيف لدولابنا قطع عالموضة وما ننساش نحدد نوع جسمنا الأول )وده هنتكلم عنه في فيديو جي( عشان نتأكد إن الموديلات اللي هنختار نشتريها هتكون مناسبة لينا ۱۰۰٪

­۳- خلاص حددنا الموديلات والألوان المناسبة ؟ هنفتح بقى المواقع الألكترونية بتاعت المحلات الموجودة في بلدنا و نشوف القطع اللي احنا عايزينها موجودة فين بالظبط عشان نقلل وقت البحث على قدر الإمكان و نخلي رحلتنا مثمرة ومريحة مش مرهقة.

­٤- يفضل بعد كده إننا نروح نعمل زيارة للأماكن دي و نتعرف على مقاسنا فيها ونكتب ورقة بالمقاسات دي ..الخطوة دي هتوفر علينا وقت رهيب في القياس وقت التخفيضات لأن وزي ما كلنا عارفين غرفة القياس بتبقى عليها طوابير وممكن نضيع يوم كامل في طابور واحد وعشان كده يفضل نبقى عارفين مقاسنا من الأول ونوفر الخطوة دي.

­٥- دلوقتي كل اللي علينا نعمله نستنى التخفيضات تبدأ ..هنختار اليوم اللي هننزل فيه للتسوق ويفضل ننزل فيه بدري قدر الأماكن لعدة أسباب:عشان نضمن إن الدنيا ما تبقاش زحمة قوي ­نتأكد ان المحلات مترتبة و القطع اللي احنا عايزنها موجودة ما خلصتش ­كمان عشان لو احتاجنا نقيس أي حاجة او نحاسب على اللي اشتريناه نتجنب الطوابير الطويلة.

اتباعنا للنصايح دي هيخلينا نستفيد من فترة التخفيضات قدر الإمكان و كمان نكمل كل اللي ناقصنا بأفضل الأسعار و نخف الضغط اللي على الميزانية

 

عودة إلى بيت

فيديوهات سوبرماما
فيديوهات سوبرماما

موضوعات أخرى
ص
Share via WhatsappWhatsapp IconSend In MessengerMessenger IconShare via FacebookFacebook Icon
Share via FacebookFacebook IconShare via TwitterTwitter Icon