طريقة عمل كيكه الجلاش : مسابقه انا شيف

طريقة تحضير كيكه الجلاش : مسابقه انا شيف

1.  اول حاجه هنبطن الصنيه زيت ودقيق
2.  هضرب كل المقادير مع بعض فى الخلاط بدون لفه الجلاش ولو خايفه من الظفاره ممكن تضيفى ليمون مبشور زياده والمقادير هى 1/2 كوب زيت -ربع كوبايه سكر -2 علبه زبادى -3 بيضات -ملعقه كبيره بيكنج بودر - فانيليا - لمون
3. بعد ما المقادير تتخلط مع بعض هاخد ورقه الجلاش واكرمشها واحطها فى الصنيه زى ما بنكرمش الورقه وهنكرر العمليه ديه مع باقى ورق الجلاش نكرمشه ونحطه جنب بعضه فى الصنيه
4.  هنصب بعد كده الخليط عالجلاش
5.  هندخله الفرن لمده 20 دقيقه على درجه حراره 180
6.  هنحضر الشربات وهو كوبايه ونص ميه عليهم كوبايه سكر هنحطهم عالنار ونقلبهم كويس لحد ما السكر يدوب ولما يجى يغلى هنضيف شويه فانيليا ونص ليمونه وبعدين نطفى عليه ونسيبه لحد ما يبرد خالص
7.  لما الصنيه تطلع من الفرن يكون الشربات بارد وارشه عليها وهى سخنه