للمحجبات.. أفكار لتنسيق ملابسك في الشتاء

2016 يناير 06

جالنا طلبات كتير جدا عشان نعمل موضوع لملابس المحجبات في موسم الشتا  و عشان كده موضوعنا النهاردة كله هيكون موجه لكل المحجبات على اختلاف ستايلاتهم عش نقولهم ايه موضتهم السنة دي

شتا ۲۰۱٥ من أبرز موضاته هو البالطو الماكسي والڤيست الطويل و اللي بيعتبروا قطع ذهبية للمحجبات بشكل عام و للمججبات اللي بيحبوا يلبسوا بنطلونات بشكل خاص. البالطو زو الفيست الطويل بيأمن للمحجبه الشكل المحافظ المحتشم الليبيتميز بيه لبسها سواء كانت لابسة جيبة ­ فستان ­ أو حتى بنطلون ... نصيحتنا بس انك تختاريه بألوان فاتحه لأن الفواتح موضة .. و لو جسمك مليان يبقى اختاريه غامق بس مع اكسسوارات فاتحة و مميزة.

 

الشال او البونشو و الكايب كمان من اشهر قطع الموسم ده .. لو هتلبسيهم على بنطلون يبقى اختاريهم طوال و واسعين و اذا حسيتي انهم كده هيتخنوكي ممكن تربطي عليهم حزام رفيع . أما لو هتلبسيهم مع جيبة يبقي اختاري القطع القصيرة اللي ليها خطوط حادة.

الجلد و الفرو كمان مكملين معانا من الشتا اللي فات .. جربي تلبسي جاكت جلد مع بنطلون واسع و بلوفر طويل و بوت بكعب مناسب أو جيبة و بلوفر بلون واحد و عليهم فيست فرو بلون مميز .. المهم تختاري الفيست بحيث ما يكونش منفوش علشان مع الحجاب ممكن يحسسك ان راسك اصغر من جسمك .

البلوفر طبعا قطعة اساسية في كل شتا .. اختاريه قصير مع جيبة او طويل مع بنطلون .. و ممكن كمان تختاري بلوفر طويل مع جيبة و تكملي الطقم بحزام رفيع .

اخر قطعة هنتكلم عنها النهاردة واللي كلنا ملاحظين انها موضة السنة دي هي ال safty boots .. شكلهم طبعا رجالي شوية و عشان كده هيحتاجوا طقم كاجوال .. البسوهم مع بنطلون جينز و بلوفر طويل و ممكن تلبسي تحتهم قميص ملون صوف او عليهم سكارف كبير

 

 

 

 

 

 

 

 

عودة إلى جمال وموضة

فيديوهات سوبرماما
فيديوهات سوبرماما

موضوعات أخرى
سش
Share via WhatsappWhatsapp IconSend In MessengerMessenger IconShare via FacebookFacebook Icon
Share via FacebookFacebook IconShare via TwitterTwitter Icon