اسألي سوبرماما

انا متزوج من ٤ سنين علاقتي مع مراتي كلها حب و دلع ورمانسية . بس بحكم الشغل بكون برة البيت اغلبيه الشهر و بنزل ١٠ ١٥ يوم . بحاول فيها اعوض مراتي عن كل حاجة . المشكله عندي اني بحس اني انا بس الي بدور علي الحاجات الي نعملها بحس اني بدى من غير مقابل مع انى بحبها جدا بس خلاص ابتديت ازهق ليه كل شوية انا الي اطلب اننا يبقى في علاقة ليه انا الي ادور عليها عشان نعمل حاجة . مش لاقي حتي اهتمام لنفسها عشاني مش بتهتم غير لما بنكون نزلين بس . حاولت كتيير جدا اكلم معاها و اتكلمت اكنر من مرة لاكن من غير فايدة مش عارف اعمل ايه الصراحة . و ساعات كتير اجى اطلب منها العلاقة تقولى تعبانا مش قادرة . ياريت تفدونى في الموضوع ده و شكرا .

اجابات

لو عندكم أولاد أكيد هي بتكون مرهقة فعلا و مش عدم اهتمام ولا حاجة .. فلو جربت مثلا بدل ما تدلعها و تخرجها في الوقت اللي بتكون فيه اجازة و تجرب تساعدها مساعده حقيقية مع الأطفال او في البيت و الترتيب و الاكل أو تشيل عنها البيت علي ما هي تنام او ترتاح شوية او تقعد مش بتعمل حاجة و تصفي زهنها  .. واحده واحده هيكون عندها نفس تخرج و تتدلع و طاقة كمان انها تدور علي العلاقة و تغير فيها معاك 

لكن الفكرة انها ممكن تكون شايلة مسئولية البيت علي طول و كل حاجة عليها و انت كمان لما بتيجي اجازة بالنسبالها بتكون أناني عاوز تتدلع و تخرج و تتفسح بس من غير ما تحاول تشوف همومها الحقيقية و تشيل عنها و تريحها 

العلاقة و الخروجات ممكن تكون بترفه عن الزوج و الزوجة و بتحسن المزاج و بتقلل التوتر من المسئوليه و روتين الزواج 

لكن حاول تعرف ايه الهموم و المسئوليات الحقيقية الأول عشان تساعدها و هي تحس انك بتيجي تشيل عنها حمل و تساعدها و ايدك في ايدها .. مش انت في وادي "خروجات و علاقة و دلع" و هي في وادي "مسئولية بيت أو شغل أو أطفال كمان مع تنظيف و تنظيم البيت و تدبير الفوس و افكار و هموم كتيرة"

 

أتمني تقدر تتواصل معاها و تتكلم و تعرف ايه المشكلة الأساسية و أيه أولوياتها و ايه اللي تقدر تشاركهها فيه و تساعدها عشان تكونو مبسوطين و توصلوا لحل وسط 

عودة إلى كل الأسئلة

5 طرق خاطئة تعبر بها الأم عن حبها لابنها
Share via WhatsappWhatsapp IconSend In MessengerMessenger IconShare via FacebookFacebook Icon
Share via FacebookFacebook IconShare via TwitterTwitter Icon