ما لا يمكنك قوله لإمرأة حامل!

أن تكون المرأة حامل ليس بالأمر السهل. فأنتِ أثناء الحمل تشعرين بالثقل والاضطراب والمزاج المتقلب لأقصى حد.. كمن تحمل بطيخة لأربع وعشرين ساعة في اليوم. ومن المفترض أن تكوني مستمتعة بذلك!

في مثل هذا الوقت تشعرين أنك مقيدة بوضع غير مريح. فمثلا تحاولين الوصول للمفتاح الذي وقع منك، فيلتقطه لك شخص غريب، تضعين يديك فوق بطنك وتقولين: "كم هي كبيرة!".. عليك أن تحبي كونك حامل. كلنا مررنا بهذه التجربة حيث بالكاد منعنا أنفسنا من قتل ذلك الغريب.
 
سألت صديقاتي عما يقوله الناس للنساء الحوامل ويضايقهن كثيرا. وقد تفاجئت كثيرا بإجاباتهن. لذا فكرت في عمل قائمة بالأشياء التي علينا تجنب قولها عند مقابلة سيدة حامل.. وكيف ترد الحامل عندما تواجه بتلك الكلمات.. إليك بعضها:
 

"شكلك هتفرقعي خالص"

إممم.. هل أنا بالونة الآن؟

"كنت أعتقد إن الحمل يزيد جمال المرأةً؟ لكن شكلك ... !!!"

هل تقصدين أن وجهي منتفخ؟ وأن عندي بقع سوداء بأنفي، ويدي أصبحت بحجم يدي قرد! شكرا أنك أخبرتِني.. فليس لدي مرايات بالبيت.

"إنت حامل في ولد ؟ من شكل أنفك أقدر أقول لك إنك حامل في ولد"

إشارة أخرى عن أني افقد جمالي.. ولكن بقول أفضل مما سبق لا أكثر.

"بطنك كبيرة جداً.. هل إنتي حامل في توأم؟"

أنا حامل ومن المفترض أن تكون بطني كبيرة. فمن الصعب أن تحملي طفلًا وزنه ٣ كيلو بداخلك ولا تكبر بطنك.

"ممكن ألمس بطنك؟" (أو أن تقوم بلمسها حتى دون أن تسأل)

أنا اتضايق عندما يقوم غرباء عني تماما بالاقتراب مني أو لمسي.

 

"هتجيبي بنت تانية؟ معلش المرة الجاية تجيبي الولد.."

هل الاختيار بيدي أن يكون الطفل ولدًا أو بنتًا؟. هل تعتقدين أن من الممكن أن أرجعها أو أبدلها بولد؟ لأن واضح إن هناك مشكلة في أن أنجب بنات فقط (أو أولاد فقط).

 

"هل ده أخر حاجة؟"

هل من المفترض أن أناقش حياتي الخاصة وقراراتها معك؟ هذا بخلاف حقيقة أن كل تلك الأمور قسمة ونصيب.

"هل كنت مخططة للحمل؟ ماذا حدث؟"

ماذا تريدين؟ تريدين تفاصيل كيف حدث أم كم مرة أم في أي وقت؟

"ألا تأكلين كفاية؟ إنك تأكلين لاثنين الآن.."

هذان الاثنين هم أنا ووزني المتزايد.. 

"لماذا تأكلين كثيراً؟ كفاك أكلًا فلن تستطيعين أن تفقدي كل هذا الوزن بسهولة."

هل من شئ آخر يمكنني فعله بشكل صحيح؟ أعلم أني أكلت كارتونة من الأيس كريم وبرطمان مخلل و10 سندويتشات طعمية وأخيرا كل هذا سيذهب لطفلي وليس لكِ.

"أنت حامل.. احترسي، لا تقودي السيارة، ولا تقومي بعمل تمارين رياضية، ولا تذهبي للعمل، ولا تمارسي السباحة، ولا تذهبي للسينما... الخ"

حسنا.. بما أني أصبحت هشة لدرجة أني سانكسر، ماذا أفعل بطفل يزن 4 كيلو بداخلي؟ هل سأتجاوز المخاض والولادة؟ هل الوقت متأخر لأغير رأيي؟ لأنه إذا كنتِ تعتقدي أن جسمي لا يحتمل أن أخرج مع صديقاتي للعشاء مرة واحدة.. فأكيد لن يحتمل 22 ساعة من المخاض.

"الحمل يجعلك حساسة جدا".

أعرف أن في هذه الفترة هرموناتي تتحكم بي.. لكن هذا الكلام يزيد من سوء الوضع. هل تريدين رؤية سيدة مجنونة؟ سأريكِ سيدة حامل مجنونة.

 

"شكلك تستمتعين بأنك حامل. اكيد لا تشعرين بتعب."

أكيد.. فأنا أمثل أني أشعر بغثيان كل صباح ومساء. وأعشق الشعور بدوار يجعلني أفقد الوعي وأمثل أيضاً أني أشعر كما لو أن هناك حريق بداخلي.

"اكيد حملك الثاني أفضل بكثير من الأول"

ماذا عن الحمل الثالث أو الرابع؟ هل استمر في الحمل حتى أصل لمرحلة أنه من السهل أن يكون الحمل التالي مجانا؟

"انتي حامل؟ مبروك"

لا تنخدعي بهذا السؤال البريء. فهو ليس لطيفًا عندما لا تكونين فعلا حامل.. وتكوني قد وضعتِ منذ شهرين وحساسة جدًا لشكل جسمك.

 "لا اعلم لماذا السيدات المصريات ضعيفات لهذا الحد عند الوضع، مفيش تحمل خالص!!!، عليكي اني تري كيف تتحمل السيدات الاجانب الوضع."

 والآن مع أفضل الردود التي سمعتها في حياتي عندما وجه هذا السؤال لإحدى صديقاتي كانت على وشك الوضع وتعاني من آلام رهيبة، وطبيبها هو الذي قال لها هذا.. هنا أجابته صديقتي: هل وضعت من قبل؟ اسكت خالص..!

الآن أخبرينا هل سمعتِ تعليقًا ضايقك عندما كنتِ حامل؟ شاركينا بهذا التعليق.. وبآرائك.

اعملي شير :
بقلم
ريهام القاضي ريهام لازالت تبحث عن الكلمات الصحيحة لتعبر بها عن نفسها، فهي حاصلة على بكالوريوس هندسة عمارة ، ثم عملت في مجالات كثيرة منها التسويق والتصميم وإدارة المشروعات والطهي والتدريس والكتاية والتحرير. حاليا تحاول ريهام ممارسة جميع تلك الإهتمامات أثناء تربية ولديها.

التعليقات

صورة marwa ibraheem

موضوع جميل جداااا
اكتر حاجه ضيقتنى في الحمل ان الناس تقولك حاجات تخليكي مكتئبه من اللي جي بعد الولاده زى:الحقي نامى كويس بكره مش هتشوفي النوم علي اساس اني هحوش النوم في البنك ولما اعوز انام اسحب ساعتين
وبكره مش هتعرفي تخرجي ولا ترتاحي كلام زى ده كتير سلبي جدا بدل ما الناس تصبرك وتقولك ربنا يقويكي
ياريت نقول لبعض كلام ايجابي

صورة lojayna yehia

ههههههههههههههه عندك حق يا مروة بس ممكن تكون بتتقال على سبيل الهزار متزعليش نفسك وخدى الموضوع بضحك

صورة دعاء محمد صبري

اكتر حاجة تضايق ان و انتي راجعة من عند الدكتور ما حدش يطمن عليكي و لا يسال علي صحتك انما اول سؤال تتساليه ها ولد ولا بنت مع العلم انك ممكن تكوني لسه في الشهر الاول وياسلام لو طلعت بنت تبقي كملت وفي ساعتها علي طول يتقال المرة الجاية ابقي هاتي ولد تقولش بمزاجي تقومي انتي بقي تردي وتقولي انك قدمتي عليه وهاتستلميه المرة الجاية

صورة Mezzo mam

اكتر حاجه كانت بتضايقنى وانا حامل لما حد من اصحاب الكليه يشوفنى ويعلق على وزنى خاصه انى كنت نحيفه جدا ومعرفش ازاى وصلت من 62 الى105 كيلو حاجه صعبه ومتتصدقش كل ده ف9 شهور واسوأ تعليق سمعته هوده نفخ ولا حشو كنت بضحك بس اكيد كنت بتضايق بس الغريب انى ف شهرين رجعت زى الاول بس مش اوى بس خساره 20 كيلو ف شهرين كانت حاجه حلوه جدا وبرده كل اللى يشوفنى كان يستغرب بس السؤال اتغير وبقى انتى عملتى ايه علشان تخسى وكان الرد ولا حاجه بس وانا فرحانه مش متضايقه بس كلها زكريات حلوه

صورة نسمة محمد

انا لسه في الشهر الاول بس فعلا اضايقت لما الناس بتقولي الحقي نامي مش هتعرفي تنامي بعدين او مثلا متتحركيش خالص وخليكي علي السرير بجد انا حسيت اني زهقانه اوي لدرجه اني مستكتره التسع شهور ومش عارفه انا هعديهم ازاي وانا اصلا كنت عاوزه الحمل اصلا ومستنياه بقالي سنتين ولما بيقولولي الحقي نامي مش هتعرفي تنامي بعدين بجد بيجيلي اكتئاب علشان حاسه اني داخله علي مهمه مستحيله

صورة امانى محمود

اكتر حاجة عصبتنى كنت رايحة اسلم على خالى كان مشفنيش من ساعة ما بدات الحمل ضحك وقالى ده يا بنتى كل ده بس للاسف معرفتش ارد

صورة ام رودينا

سؤال برده انتى فى الشهر الكام كان بينرفزنى لانهم كانو بيسالوه كل شهر متحسبه انتو بقى وتخلصونى لازم تساله

صورة ياسمين عبدالله

انا فى الشهر الثالث وده اول حمل ليا وحصل الحمل من اول جوازى على طول واللى دايما كان بيتقال هو انتو لحقتو وهو انتو متسرعين كده ليه وده كان بيخالينى اكون خجلانة ومكسوفة ومش عارفة ارد.........

صورة SHERIN nour

وليه مكسوفه انتى معملتيش حاجه غلط انا زيك حصل الحمل من اول يوم جواز بعد شهر من جوازى عرفت انى حامل ربنا يتمملك على خير واللى يقولك كدا قوليله اه مستعجلين والغبران يعمل زيينا

صورة علياء النجار

ولو كان محصلش حمل كان اتقال ليكي ساكته ليه كل ده لازم تطمني وبكره ربنا يديكي

صورة tamtam mahmoud

اكتر حاجه بتضايقنى ان ماما مش بتحب خلفه البنات و انا بنت وحيده على 3 ولاد و نفسى فى بنت فتقولى بنت تعملى بيها ايه ان شاء الله مش هتجيبى بنت دول وجع دماغ الخ
فكنت بتحرج جدا و بفكر هو انت ندمانه انك جبتينى ولا ايه
بس كنت بكتم فى نفسى

الموضوع جامد جدا انات حامل فى الشهر الثالث وده تانى حمل بس المرادى الحمل اصعب من الاولانى وكل ما اقول لحد انى تعبانه يقولى عادى اجمدى هى دى اول مره يلا قومى شوفى وراكى ايه اطبخى اكنسى اعملى اي حاجه وانا بضايق ان محدش حاسس بيا

صورة safa razek

أنا حامل فى الشهر التاسع ودية المرة التانية بس المشكلة ان الكبير عاندو سنةونصف وبضايق أوى لما يقلولى مستعجلة على اية والى يقولك انك أرنبة على أساس ان كل حاجة بايدك دول بجد رزق

صورة Doaa Sabry

اكتر حاجة ديقتنى اوى بعد ولادتى لأبنتى كنت تعبانة اوى كلهم يقولولى هو انتى فاكرة انتى بس اللى كدة كل الستات كدة دة معرفش مين كان فيها كذا وكذا انتى احمدى ربنا على اللى انتى فيه دة ديه حاجة مستفزة جدا
وكمان لما يقولوا كلى مش علشانك علشان البيبي-سواء بقى هو جنين او طفل بيرضع- يعنى بالعربي طظ فيا المهم البيبي

وبجد مستفز اوى لما يقولولك بقيتى شبة البالونة حتفرقعى خلاص اية يابنتى دة
ربنا يهدى الناس ويكملى حملى على خير ويرزق كل البنات يارب

صورة Nada Ayman

انا في الشهر السابع و تقريبا من ساعة ما حملت و الناس بتقولي لو ما خلصتيش الماجستير قبل ما تولدي مش حتعملي حاجة بعديها و انا فعلان مش قادرة ما حدش قادر يحس ان التركيز ده مجهود صعب اوي لما تكوني مش عارفة اصلا تقعدي و لا تنامي, و الناس اللي بتقول نامي عشان مش حتنامي تاني , و بكرة تولدي و يبقى نفسك ترجعيه جوا تاني , ليه الاحباط ده هما ليه بينسوا ازاي الكلام العادي كان بياثر على الحامل بزيادة!!!

صورة passant galal

بعد كام دقيقة كدا هدخل الشهر التاسع وكل مابطنى تكبر مناخيرى عمالة تكبر لحد مابقت عاملة زى بقلظ وبقت التريقة على مناخيرى حاجة اتعودت عليها خلاص حتى انا بقيت اعذر الى يعلق على مناخيرى لانى اتفاجت منها بصراحة بس الى بتدايق منى ان الى حوليا مستكترين عليا انام واديها نوم اصل انا ف الطبيعى بحب النوم فبالكوم لو حامل هعمل اية بس حاسة انو لما تيجى ايام السهر الى بسمع عنها الكل هيفرح فيا لانهم من دلوقتى بيقولولى بكرا متعرفيش تنامى ولا تهرشى فبدعى ربنا ان بنوتى لما تيجى تكون بتحب النوم زى وتكون بنت على غير العادة:)

صورة Laila Ewida

فعلا الكلام اللى يقال للحمامل وتضايق منه ممكن يوثر فيها ... المفروض يقرأوا هذه المقالة .. شكرا ريهام .

صورة .زينة سليم

واللة اكتر حاجة ضايقتني قبل ما اولد با سبوع وحاكتلي عن حادثة واحدة قربيتها كانت حامل وشالت الرحم وواحدة تانية قبل الولادة لقت البيبي متوفي في بطنها وواحدة تانية ابنها تعب في الولادة وبيتعالج كل دة في مكالمة واحدة تيلو يكون اية شعورررررررررررررررري معرفتهاش تاني من ساعتها ههههههههههههه بجد كابتني وحسيت ان كل دة هايحصلي

صورة .زينة سليم

واللة اكتر حاجة ضايقتني قبل ما اولد با سبوع واحدة صحبتي كلمتني وحاكتلي عن حادثة واحدة قربيتها كانت حامل وشالت الرحم وواحدة تانية قبل الولادة لقت البيبي متوفي في بطنها وواحدة تانية ابنها تعب في الولادة وبيتعالج كل دة في مكالمة واحدة تخيلو يكون اية شعورررررررررررررررري معرفتهاش تاني من ساعتها ههههههههههههه بجد كابتني وحسيت ان كل دة هايحصلي

صورة Rasha M. Abd Elwahab

انا كان عندي مشكلة في ظهري من اول الحمل وما كنتش عارفة هي ايه عشان ما ينفعش اعمل اشاعة في الحمل ,ومكنتش بقدر انام في السرير وفضلت اخر 5شهور في الحمل بنام وانا قاعدةعلي الكنبة وما كنتش بقدر اتحرك خالص ولا البس ولا اطبخ ولا اي حاجةولا حتي امشي الا لما حد يسندني,وكان جوزي بيقولي انتي بتدلعي حاولي بس تتحركي ومكنتش بقدر وهو ماكنش بيقتنع,لحد ما ولدت وعملت اشعة واكتشفنا وجود ورم في الحبل الشوكي وقتها بس اقتنع اني فعلا تعبانةبس كان بعد ايه؟؟

صورة دينا احمد دينا احمد كمال خليفة

لما بعاتب جوزى انت يه مش بتسال عليه لما بتعب يقولى ماانتى تعبانة من ساعة محملتى يعنى المفروض مقولش اى حاجة ولا اتوجع واكيد مش هلاقى حد يقولى معليش عشان انا تعبانة ودخه عادى

صورة Engy Farouk

انا حامل فى الشهر التاني
واكتر حاجه بتضيقني احساس ان الى حوليا مهتمين بالي فى بطني اكتر مني حتى لما يقلولي كلي بيقلولي كلي عشان الجنين مش عشان نفسك
وفى نفس الوقت لما اكل كتير يتريقوا عليا وعلى وزني الى زاد وانا عارفه انه لسه ياما هيزيد فشايلة هم الوقت ده من دلوقتي
لدرجه انى قفلت موبايلي وبطلت انزل اقابل حد عشان محدش يقعد يقولي انتى تخنتي كده ليه

صورة SHERIN nour

اه سمعته تعليق ان ايه ده انتى حامل فى كوره كفر ولا ايه ؟
كان ردى عليها بكره نشوف شكلك دا لو حصل واتجوزتى من اصله هههههههههههه

صورة sara ghulam abbas

انا في حملي الاول كانو توأم وحماتي كانت كل شويه تقولي الحمل الاول البطن ما بتبانش اومال انتي بطنك عامله كده ليه ومكببه وكانت كل شويه تقولي انا شيماء بنتي ما بيبانش عليها حمل خالص انتي بطنك كبيرة كده ليه بقولها عشان توأم تقولي مش شرط ده عشان انتي قصيرة وكانت بتخنقني قوي بالكلمه دي

صورة lojayna yehia

اكتر ملحوظة بتتقالى انى وزنى زايد بطريقة مبالغ فيها مع انى الحمد لله مطخنتش للدرجة انى ابقا بالونة بطنى هى الى بتكبر
تانى حاجة بقا واحدة خوفتنى جدا من عملية الولادة وبالزات الحقنة انا بطبيعتى بخاف من الحقن ولما قالتلى كدة جالى مغص فظيع ودخلت الحمام ولحد ما رحت للدكتور كنت خايفة بس الدكتور طمنى قاللى الولادة بالنسبالك هتبقا شكة الابرة بتاعه البنج وفعلا ناس كتير قالولى كدة بس هى هولتلى الامر جدا مع انها عندها بنتين
بس عادى مش بازعل لان اى تغيير على الجسم فى الفترة دى بيبقا مؤقت وان شاء الله بيروج بدليل كل الستات الى ولدوا ورجعوا تانى طبيعيين

صورة shimaa ebrahim

انا كمان حامل في الشهر السادس واول حمل ليا وحامل في بنت وكل لما حد يشوفني يقولي بنت صعب اوي لو مخلفتيش ولد اللي بتبكر بالولاد احسن عشان جوزي يعني اخوه جايب بنات بس برضو

صورة ayat nassar

ايوة انا حامل دلوقتى فى ولد وعندى مشكلة انى منفخة جدا فكل الناس بتقولى انتى منفخة انتى شكللك اتغير،وبدايق جدا من اللى بيدوا نصايح على الفاضى والمليان ( متناميش على بطنك ، ماتمشيش بسرعة، كلى كويس ، ارتاحى وماتتعبيش نفسك انشالله تجيبى شغالة ) على اساس انى ىمعنديش دماغ ومستنية حد يدورلى على حلول لمشاكل انا ماشتاكتش منها اصلا

صورة Zeinab Ahmed

أنا تقريبا اعترضت لكل ده وزيادة لأني قبل حملي في بنتي حالي حمل خارج الرحم فكان الاهتمام والتدخل بزيادة صحيح كان فيه اهتمام البرئ بدافع الحب بس برضه كان فيه التدخل بدافع الرخامه

صورة نهى مصطفى

بصراحه موضوع رااااااااااااااائع ...
انا اكتر حاجه ضايقتنى فى الحمل قلة سؤال ناس كتير عليا وانا فعلا كنت محتاجه السؤال ده ووالله بجد الحامل بتفرح جدا لما بتلاقى الاهتمام من الناس اللى بتحبها ... وفيه حاجه تانيه ضايقتنى فكرة اللى بطنى ولد او بنت ؟؟ هوه الناس مالها ومال الموضوع ده اولا واخيرا دول ولادى انا سواء ولد او بنت فهما عطيه ربنا ولله الحمد عليهم طبعا .. انا الحمد لله عندى بنوته عندها 3 سنين ونص ومنتظره بنوته تانيه كمان ايام ان شاء الله ويارب يخليهوملى ويباركلى فيهم .. هوه فيه اجمل من البنات ده حتى نانسى عجرم غنيتلهم هههههههههه والله بجد كلهم نعمه من عند الله ولد اوبنت يارب بس يجعلهم زريه صالحه

صورة عبير عودة

امين تقومي بالسلامة ويا رب محفوظه من كترة كلام شعبنا وبياخته انت وبناتك.. 

صورة عبير عودة

نعم سمعت من زوجي عندما اردت شراء ملابس داخلية لحملي الحالي وقال ان ملابس الحوامل الداخلية سوف تجعل جميع الرجال يشمئزون ويهربون من زوجاتهم.. تدايقت وحتى الان اشعر بسوء , وطبعا لم ولن اشتري ملابس داخلية او عادية للحملcheeky

صورة Loo Agami

قولى له ان الحمل ده عشان تجيبى له ولى العهد اللى ها يشيل اسمه ....
و فى لبس حوامل , غيارات داخليه جميله و دلوعه , بس انتى دورى كويس...

صورة rodee ahmed

تعليقات كتير وبس دا اكتر ممن تتصور عن كبر الانف وتتضخم البطن وورم الارجل وعن الكلف ونفخ الثدى وما خفى كان اعظم بس عادى هو دا شعبنا الازيز الى مش بيفوت حاجه حتى لو هايشل الى قدامه بيها

صورة نور رازم

من اﻻشياء اللي كتييييير ضايقتني بعد وﻻدة طفلي اﻻول بيومين كنت مش عارفة اقعد بشكل صحيح علشان خياطة موضع الوﻻدة ...ولما الدكتور شاف اني قاعدة ومايلة حالي شوي قال لي انتي ليش قاعدة هيك انتي خليلية مش قدسية حسس اللي حوليي اني كنت امثل ......وعند وﻻدة طفلي التاني رحت ع المستشفى وحطتلي الممرضة جهاز المونتور وكنت كتيييييييييير موجوعة من الطلق وحالتي حالة لهي الممرضة بتطلع علي وبتقولي طلقك مش حامي هﻻ بيجي الدكتور وبفحصك واكيد راح يحكيلك تروحي ع الدار وترجعي بعدين ....شوي واجا الدكتور وفحصني وكان عندي حالة وﻻدة والتوسع تسعة سم ....